Home

Teken Hier Aan

Databasis

 

In Memoriam

Hendrik Johannes (Hennie) Labuschagne


Hendrik Johanners (Hennie) Labuschagne

 

Dit is met leedwese en ‘n swaar hart dat ons hiermee kennis gee van die afsterwe van ons maat, Labuschagne Familiebond stigterslid, tessourier, wederhelf vader en oupa Hendrik Johannes (Hennie) Labuschagne gebore 11 Maart 1945 en oorlede op  4 November 2016 in die ouderdom van 70 jaar 7 maande en 24 dae. Ons innige meegevoel met sy vrou Isabel, sy kinders en kleinkinders waarvoor Oupa baie lief was asook almal wat diep geraak is deur Hennie gedurende sy tydjie wat hy hier op aarde met ons kon deel.

 

Hennie was, buiten sy proffessionele lewe, ‘n baie aktiewe en kranige krietet speler wat die Vrystaat op sy tyd verteenwoordig het en tot en met sy dood steeds betrokke was by Vrystaat krieket as lid van hulle bestuur.

 

Dit wat vir ons van besondere belang was, is die feit dat Hennie een van die stigterslede van die Labuschagne Familiebond was en van die begin af vrywillig die bestuur van ons finansies op hom geneem het. Hennie was altyd besig om sy eie familie na te speur en het sy bes probeer om die gaping tussen sy bloedlyn en die amptelike uitgebreide familieregister van ons genealoog, Herman Labuschagne, toe te maak. Ongelukkig was dit hom nie beskore nie. Hy en sy vrou Isabel het geen moeite ontsien nie en het gereeld van Kroonstad af Pretoria toe gereis om vergaderings te kom by woon of ander Familiebond aktiwiteite mee te maak. Die vergaderings wat ons in Kroonstad by Hennie en Isabel aan huis gehou het was altyd iets om na uit te sien en die eet en kuier daarna het verseker dat elke vergadering die hele dag geduur het.

 

Ons weet dat jy nou beter daaraan toe is en die aardse wedloop gewen het. Rus in vrede ons ou maat.


 

 

 Familie Erfenis Fees 2014

 
Kopiereg © 2016 Labuschagne - Familiebond in Suid Afrika. Alle Regte Voorbehou.
Joomla! is Gratis Sagteware en word kragtens die GNU/GPL Lisensie vrygestel.
 

Besoekers:

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterVandag18
mod_vvisit_counterGister23
mod_vvisit_counterHierdie Week62
mod_vvisit_counterLaas Week129
mod_vvisit_counterHierdie Maand139
mod_vvisit_counterLaas Maand739
mod_vvisit_counterAlmal!29427

Aaanlyn(Laaste 20 min): 2
Jou IP: 54.146.179.146
,
Nou: 2016-12-07 14:25